జైపూర్/చెన్నూర్, వెలుగు: భీమారం–చెన్నూరు మండలాల సరిహద్దులోని నేషనల్ హైవే 63 రహదారిలో బీటీ రోడ్డు నిర్మాణానికి కృషి చేసిన పెద్దపల్లి ఎంపీ గడ్డం వంశీకృష్ణ, చెన్నూర్ ఎమ్మెల్యే వివేక్ వెంకటస్వామి ఫోటోలకు కాంగ్రెస్లీడర్లు, కార్యకర్తలు క్షీరాభిషేకం చేశారు. శనివారం జోడువాగుల బ్రిడ్జి ప్రాంతంలో చెన్నూర్, భీమారం, కోటపల్లి మండలాలకు చెందిన కాంగ్రెస్ లీడర్లు, కార్యకర్తలు ఈ కార్యక్రమం చేపట్టారు. ఈ సందర్భంగా వారు మాట్లాడుతూ.. చెన్నూరు నియోజకవర్గ అభివృద్ధికి ఎమ్మెల్యే వివేక్తోపాటు, ఎంపీ గడ్డం వంశీకృష్ణ చూపుతున్న చొరవకు ప్రజలు రుణపడి ఉంటారన్నారు.
అధ్వాన్నంగా మారిన నేషనల్ హైవే 63 రహదారిపై ప్రమాదాలు జరిగి పలువురు మృత్యువాత పడినా పదేండ్ల బీఆర్ఎస్ పాలనలో అప్పటి ఎంపీ, ఎమ్మెల్యే పట్టించుకోలేదన్నారు. కాంగ్రెస్ సర్కార్ వచ్చిన ఏడాది కాలంలోనే ఎంపీ, ఎమ్మెల్యే స్పందించి నాలుగు కిలోమీటర్ల పొడవున కొత్తగా బీటీ రోడ్డుకు ఫండ్స్ మంజూరు చేయించారని, ఫలితంగా ప్రయాణికులు, వాహదారుల కష్టాలు తీరాయని ఆనందం వ్యక్తం చేశారు. కాంగ్రెస్ లీడర్లు మూల రాజిరెడ్డి, చెన్న సూర్యనారాయణ, గజ్జెల అంకాగౌడ్, మహేశ్తివారీ, సత్యనారాయణ గౌడ్, సుశీల్ కుమార్, చింతల శ్రీనివాస్, పాతార్ల నాగరాజు, పోగుల సతీశ్, విజయ్, మల్లక్క, ఖలీల్, ప్రవీణ్ నాయక్, అన్వర్, తిరుపతి, కమలాకర్, మధుకర్ తదితరులు పాల్గొన్నారు.
